Ветеранское подворье — 2021
Опубликовано: 01.09.2021 в 12:51

Быйылгы республика үрдүнэн ыытыллар «Ветеранское подворье 2021» күрэх Нам улууһугар үтүө түмүктэннэ! «СӨ доруобуйа харыстабылын туйгуна», үлэ ветерана, 40-с сылын Нам улуустааҕы балыыһатыгар бэриниилээхтик үлэлии сылдьар коллегабыт Прасковья Ивановна Куличкина республикаҕа бастаан биһиги олус үөрдүбүт.
НЦРБ ветераннарын совета быйыл ветеран эмчиттэр икки ардыларыгар «Ветеранское подворье» күрэҕи үһүс сылын тэрийэн ыыппыта. 8 үлэ көрүүгэ киирэн, түмүккэ инфекционнай отделение мед.сестрата Куличкина П.И. бастаабыта. Онтон Нам улууһун иһинэн ыытыллыбыт «Ветеранское подворье» күрэххэ аҕыс эмчит ветеран кыттыыны ылбыта. Улууска барыта 13 үлэ киирбититтэн, биһиги ветераммыт Куличкина П.И. эмиэ бастаабыта. Республика иһинэн ыытыллыбыт күрэххэ түөрт эмчит ветераммыт кыттыыны ылбыта. Бу күрэх сыалынан буолар дьиэ кэргэн көлүөнэнэн ситимин бөҕөргөтүү, кэлэр көлүөнэни үлэҕэ иитии, кэтэх хаһаайыстыбаны тупсарыы, чөл олоҕу тутуһуу. Республикабыт араас улуустарыттан элбэх үлэ киирбититтэн биһиги ветераммыт Куличкина П.И. бастаабытынан астынабыт уонна киэҥ туттабыт!
Эмчит ветераннарбыт сыралаах үлэлэрин таһынан оҕуруот олордон, кэтэх хаһаайыстыба тутан эдэр ыччаты үлэҕэ, кэрэҕэ иитэллэрэ киһини сөхтөрөр.
Инникитин ветераннарбытыгар өссө үрдүк ситиһиини баҕарабыт!
Санаабыккыт сатаннын!
Толкуйдаабыккыт туоллун!

Решаем вместе
Не смогли записаться к врачу?