Вакцинаны ылыы — ыарыыны кыайар соҕотох ньыма
Опубликовано: 06.07.2021 в 15:13

Коронавирус дьаҥын утары вакциналааһын салҕанар. Саха республикатын Ил Дархана Айсен Николаев бэс ыйын 21 күнүнээҕи ыйааҕар олоҕуран б.дь. от ыйын 1 күнүттэн ыла общественнай тэрилтэлэр (ресторан, кафе, остолобуой, буфет, бар, банкетнай саала, фитнес-кулууп, дьарыктанар, спортивнай саалалар о.д.а.) үлэһиттэрэ уонна онно сылдьар дьон вакцинаны ылбыттарын туһунан булгуччу QR-кодунан бигэргэммит сертификаттаах эбэтэр 72 чаас иһигэр ылыллыбыт отрицательнай ПЦР ыспыраапкалаах буолуохтаахтар. QR-код «Госуслуги. Стопкоронавирус» биир кэлим портал нөҥүө бэриллэр.

Бу барыта, биллэн турар, бэйэбит, тулалыыр дьоммут доруобай буолалларыгар туһуланарын өйдүөхтээхпит. Ыарыыны олохтоохтук кыайарга, коллективнай иммунитет баар буоларыгар нэһилиэнньэ улахан дьонун 70%-на вакцинаны ылыахтаах.

Убаастабыллаах улууспут олохтоохторо! Хас биирдиибит эппиэтинэс сүгэн коронавирус утары вакцинаны ылыаҕыҥ диэн ыҥырабыт.

Үлэ күннэригэр 09:00-17:00 ч. Нам сэлиэнньэтигэр поликлиникаҕа бастакы компонены 124, иккис компонены 125 №-дээх кабинеттарга, ону сэргэ Аппааны, Хатырык, Көбөкөн, Хамаҕатта, Бастакы Хомустаах, Иккис Хомустаах врачебнай амбулаторияларыгар уонна Түбэ фельдшерскэй-акушерскай пуунугар кэлэн вакцинаны ылыаххытын сөп.

 

#НамскаяЦРБ #Намскийулус #Намскийрайон #Намулууһа #Намнааҕыкиинбалыыһа #коронавирус #стопкоронавирус #вакцинация #берегитесебяисвоихблизких

Решаем вместе
Не смогли записаться к врачу?