Үөрүүлээх тэрээһин
Опубликовано: 02.06.2022 в 19:30

Бүгүн, бэс ыйын 2 күнүгэр, Нам балыыһатыгар Саха республикатыгар Ийэ сылынан уонна Оҕо көмүскэлин күнүн чэрчитинэн үөрүүлээх тэрээһин буолла. Ол курдук, акушерскай-гинекологическай отделениеттан кыыс оҕолонон тахсыбыт Любовь Андреевна Баданинаны, ону сэргэ отделениеҕа сытар уолламмыт Марена Николаевна Сергееваны уонна кыыстаммыт Анна Андреевна Кириллинаны истиҥник эҕэрдэлээтилэр.

Тэрээһиҥҥэ кыттыыны ыллылар: улуус баһылыгын социальнай боппуруостарга солбуйааччы Мария Игнатьева, Ленскэй нэһилиэк баһылыгын солбуйааччы Тимофей Охлопков, социальнай харалта управлениетын начальнига Феврония Охлопкова, киин балыыһа кылаабынай бырааһа Ариан Сергеев, дьиэ кэргэн уонна ыччат политикатын отделын начальнига Екатерина Евстафьева, үөрэх управлениетын начальнигын солбуйааччы Светлана Поротова, улуустааҕы дьахтар сэбиэтин председателэ Ирина Находкина, «Россия ийэлэрэ» хамсааһын Намнааҕы салайааччыта Марина Рожина, «Дьүөгэлэр» дьахтар хамсааһынын председателэ Розалия Черкашина, «Сахамедстрах» СМК АО филиал салайааччыта Наталья Гоголева, улуустааҕы Аҕа сүбэтин чилиэнэ Дмитрий Зырянов.

Ийэ буолуу үөрүүтүн билбит кэрэ аҥардарбытыгар эҕэрдэбитин тиэрдэбит, баҕарабыт чэгиэн доруобуйаны, дьолу-соргуну. Киин балыыһа аатыттан бэлэх уунарбытыгар өйөөбүт спонсордарбытыгар 8 №-дээх аптекаҕа уонна «Евдокия» сибэкки маҕаһыыныгар махталбытын тиэрдэбит.

Решаем вместе
Не смогли записаться к врачу?