Дьокуускай куораттан быраастар Нам улууһугар тахсан үлэлиэхтэрэ
Опубликовано: 30.07.2021 в 21:50

Дьокуускай куораттан республикатааҕы онкологическай диспансер быраастара: онколог, гинеколог, эндоскопист, узист быраастар уонна лаборант фельдшер, Нам улууһугар тахсан үлэлиэхтэрэ.

Ол курдук, сарсын, о.э. от ыйын 31 күнүгэр, Көбөкөн нэһилиэгэр сарсыарда 9:00 чаастан киэһэ 17:00 чааска диэри көрүөхтэрэ-истиэхтэрэ. Манна Арбын, Фрунзе нэһилиэктэрин олохтоохторо ким баҕалаах эмиэ көрдөрүнүөн сөп.

Өрөбүлгэ, о.э. атырдьах ыйын 1 күнүгэр, Хатырык нэһилиэгэр сарсыарда 9:00 чаастан киэһэ 17:00 чааска диэри көрүөхтэрэ.

Узи, ФГДС түһэргэ аһаабакка (аччык) кэлэргит ирдэнэр. Кал анализ аҕалыаххытын наада.

Көрдөрүнүү буор-босхо. Ким баҕалаах кэлэн бэйэҕитин көрдөрүнүҥ диэн уонна санитарнай-эпидемиологическай быраабылалары тутуһаргытыгар ыҥырабыт.

 

#НамскаяЦРБ #Намскийулус #Намскийрайон #Намулууһа #Намнааҕыкиинбалыыһа #выездврачей #медосмотр #берегитесебяисвоихблизких

Решаем вместе
Не смогли записаться к врачу?